Soleo et in scholis et inter scholas theam bibere (praecipue cum pretium caffeae sit magnopere auctum); cujus herbae origo in Cornelii Adriani Bergsmae Dissertatione Inaugurali Botanico-Medica de Thea per fabulam explicatur:

Japonenses et Sinenses primis jam temporibus herbae Theae virtutem salutiferam adscripsisse videntur. Quod forte quodammodo patet ex fabula Sancti Darmae, qui, post multorum annorum vigilias, ut se a somno liberaret, abscidisse dicitur palpegras, quas iratus in terram projecti, et poostridie eo in loco arbusculas ante in hoc orbe terrarum ignotas invenisset, et postquam hujus plantae herbam, nempe Theam, assumsisset miram sensisse, laetitiam animi et vigorem vacandi Divinis contemplationibus.

Qui “Sanctus Darma” in fabula vocatur, alias appellatur “Buddha.”